Turin Politexnika universiteti, Toshkent xalqaro moliyaviy boshqaruv va texnologiyalar universiteti hamda KHISO olimpiada maktabi hamkorligida 1-8 sinf o‘quvchilari uchun matematika fanidan o‘tkaziladigan “Ulugʻbek izdoshlari” olimpiadasi 4-mavsumining o‘tkazilish nizomi.

Olimpiadaning onlayn bosqichlari khiso.uz olimpiadalar platformasida oʻtkaziladi.

Olimpiadaga @khiso_uz_bot orqali roʻyxatdan oʻtishingiz zarur!

Barcha ma’lumotlar va savollardan namunalar olimpiadaning @mu627 rasmiy telegram kanali orqali berib boriladi.

Olimpiada matematika fanidan to‘qqiz bosqichda o‘tkaziladi. Olimpiadaning dastlabki sakkiz bosqichi onlayn tarzda o‘tkaziladi va qatnashish cheklanmaydi. Ishtirokchilarning onlayn bosqichlarda to‘plagan ballari x+2y+3z+4t+5u+6v+7 w+8s formula asosida hisoblanadi hamda unga ko‘ra final (yakuniy) bosqichi ishtirokchilari aniqlanadi. O‘quvchi biror bosqichda qatnashmasa faqatgina shu bosqich uchun 0 ball qo‘yiladi. Final bosqichida oldingi ballar bekor qilinadi. Finalda umumiy qatnashchilarning (ko‘pi bilan) 10% i qatnashish huquqiga ega bo‘ladi.  

Barcha bosqichlarda savollar test shaklida bo‘ladi.

Testlarning kamida 50% i nostandart bo‘lishi mumkin.

Olimpiada matematika fanidan oltita kategoriya bo‘yicha o‘tkaziladi:

1-2 sinf (A daraja);

3-4 sinf (B daraja);

5-6 sinf (C daraja);

7-8 sinf (D daraja);

Olimpiadaning onlayn bosqichlari oktabr, noyabr, dekabr, yanvar, fevral, mart oylarining 3-yakshanbasida o‘tkaziladi. Ma'lum sabablarga ko‘ra boshqa yakshanbaga ko‘chirilishi mumkin.

Final bosqichi yozgi maktab shaklida o‘tkaziladi. G‘oliblar hamkor tashkilotlar va homiylar tomonidan qimmatbaho sovg‘alar bilan taqdirlanadi.