O‘quvchi va o‘qituvchilarning bo‘sh vaqtini mazmunli o‘tkazish, iqtidorli o‘quvchilarni aniqlash hamda g‘oliblarni rag‘batlantirish maqsadida Respublika ta’lim markazi, Yoshlar ishlari agentligi hamda KHISO olimpiada maktabi hamkorligida 9 ta fandan 5 kun davomida bepul onlayn olimpiadalar marafonini tashkil etadi.

Quyidagi jadval orqali qaysi fanlardan, qaysi toifaga qaysi sanada olimpiada bo‘lib o‘tishini bilib olishingiz mumkin:

Izoh: 5-Mart kuni bo‘lib o‘tadigan matematika olimpiadasining 1-8 sinf o‘quvchilari uchun qismi “Ulug‘bek izdoshlari” olimpiadasining 6-bosqichi saralashi hisobiga o‘tadi.

Har bir toifa bo‘yicha qatnashishi mumkin bo‘lgan barcha olimpiadada qatnashishi mumkin;

Har bir ishtirokchi QR kodli sertifikat yuklab olishi mumkin;

Har bir olimpiadadagi eng yuqori (50 tadan oshmagan) natijalar g‘oliblik uchun nomzodlar ro‘yxatiga kiritiladi;

Barcha olimpiadalar yakunlangandan keyin, nomzodlar ro‘yxatida ishtirokchilarning barcha ballari birlashtiriladi va eng yaxshi ishtirokchilar KHISO olimpiada maktabi va Respublika ta'lim markazi hamkorligida nashr qilingan “Mantiqiy matematika” va “Matematikadan olimpiada testlari” nomli innovatsion kitob bilan taqdirlanadi;

Qatnashish uchun @khiso_uz_bot orqali ro‘yxatdan o‘tishingiz va bu bot orqali tashkilotchilar kanallariga a'zo bo‘shingiz yetarli!